اخبار الفن

حفيد كمال الشناوي يروي موقفًا محرجًا مع زوجة هاني شاكر

نشر الفنان الشاب عمر الشناوي عبر حسابه الشخصي على تطبيق فيسبوك عن موقف محرج حدث له مع زوجة الفنان هاني شاكر قائلا:”أنا نفسي أحكي عن موقف حصلي أثناء ذهابي للأوبرا لاستلام تكريم بالنيابة عن جدي الراحل كمال الشناوي ربنا يرحمه.

 وكان الحفل ده بيكرم فيه الزعيم  عادل إمام والفنانة الجميلة لبني عبد العزيز وبيقدم الحفل الفنان هاني شاكر نقيب الموسيقيين. 

 وقتها كان عمري ٢١ سنة ولبست بدلتي الوحيدة ورحت وكنت مرعوب بكوني أول مرة يبقي ليا صلة لوحدي بالوسط الفني وناسه بدون وجود جدي معي.

وأضاف عمر:” قعدت في المكان المخصص لجدي الله يرحمه ومنتظر التكريم يبدأ” .   

دخلت زوجة الفنان هاني شاكر مصطحبة معها ابنها وصديقا له وكان المكان المخصص لهم بجانبي ولكن المشكلة هنا إنه كان مخصص لهم كرسيين فقط وهم ثلاثة أشخاص، قامت السيدة زوجة الفنان هاني شاكر لتنادى الفتاة المسئولة عن تنظيم الجلوس في القاعة وقالت لها مين ده وقاعد هنا ليه. 

البنت همست لها، في اعتقادي إن هذا المكان المخصص لكمال الشناوي أو هذا حفيد كمال الشناوي أو أى حاجه تانية الله أعلم، فقالت بصوت عالي يقوم إحنا ثلاثة هنقعد جنب بعض هنا.

واستطرد:” البنت ردت قالتلها ده مكانه ومقدرش أقومه فضلت تردد: “يقوم أنا مرات هاني شاكر وهو اللى بيحيي الحفله” وبتبصلي بصات كأنى حشرة قاعدة  وفضلت واقفة ومش ناوية تتنازل غير لما أنا أقوم. 

البنت رضت عليها قالتلها أنا عندي حل إن حضرتك تقعدي في الصف ده وابنك وصديقه يقعدوا في مكان تاني في الصف خلفك مباشرة يعني مش بعيد ردت قالتلها “لا هو يقوم احنا هنقعد هنا”.

أنا كنت محرج جدا لأن أولا أنا لوحدي ومحدش يعرف أنا مين ولأن الناس كلها بدأت تتفرج عليا كأني قاعد في مكان مش مكاني لأن مفيش إنسان هيقوم حد من مكان مخصص له بالجرأة والتعسف ده.

في هذه اللحظة سمعت صوتا لطيفا جدا وكانت الفنانه لبني عبد العزيز قالتلي تعالي يا حبيبي أقعد جنبي الكرسي ده فاضي فقمت بسرعة لأني كنت عاوز الموقف ده ينتهي والناس تنشغل بحاجة تانية قامت مطبطه عليا وقالتلي متزعلش.

 الموقف ده أثر في نفسيتي جدا لأن أولا حسيت إني مليش قيمة. وثانيا حصل في داخلي حالة لخبطة لأن وقتها حسيت بكره تجاه زوجة الفنان هاني شاكر وله هو شخصيا وفنه لأن كان اعتقادي أن الفن وأهله راقي وأخلاق واللي حصل معايا ده كان أبعد ما يكون عن مخيلتي لأهل الفن ولكن يشاء القدر إني في نفس الموقف فنانه جميله مثل لبني عبد العزيز تعدل الدفه وتوريني إن في كل مكان في دائما الحلو والوحش. 

الفن راقي ، الفن أخلاق، الفن ليس باللبس والمظاهر والتفاخر بل بالسيرة الطيبة وحب الناس ليك ولفنك.

في رأيي الشخصي المتواضع وقف أي فنان لسبب مظهره وإن ده لا يتماشي مع المظهر العام فيه تعسف وغموض لأن من يقرر ما هو المظهر اللائق طالما هو غير معارض لقانون الدولة. عاجبني أو لأ ده مش من حق أي حد لأن الأذواق تختلف.

احتوي الفن ونميه اجتمع بيهم وأطور منهم حتي لو بورش من النقابة لتطوير الفن وادعمهم وأساعدهم وهنا تبقي فنان بجد وقلبك على الفن.

رابط المصدر

الوسوم

مقالات ذات صلة

زر الذهاب إلى الأعلى
إغلاق
إغلاق