اخبار الفن

ميمي جمال تكشف سبب ابتعادها عن الفن 5 سنوات «فيديو»

تصدرت الفنانة الكبيرة ميمي جمال محرك البحث الشهير جوجل في الساعات القليلة الماضية، وذلك بعد حلولها ضيفة في برنامج «مساء dmc» للإعلامية إيمان الحصري، والمذاع علي فضائية dmc.

وكشفت الفنانة ميمي جمال خلال الحلقة الكثير من التصريحات عن حياتها الشخصية وعائلتها، كما تحدثت عن حياتها الفنية

وتحدثت ميمي جمال عن سبب توقفها فترة عن الفن قالت: «أنا توقفت في الفترة اللي كانت بين فترة الطفولة وفترة المراهقة لأنها مرحلة متعرفيش هي ايه او ايه ملامحها، وبعد كده بدأت تاني من الأول بأدوار صغيرة، حتى وفاة زوجي قعدت حوالي 5 سنين بعيدة عن الفن، ورجعت تاني من حوالي سنه ونص وعملت كذا حاجة».

وكشفت ميمي جمال عن أولى أدوارها في السينما:« اول دور ليا كان في فيلم أقوي من الحب مع الفنانة مديحة يسري والفنان عماد حمدي والفنانة شادية، وبعدين فيلم بين القصرين، وبعدين دخلت المسرح وكان مع الاستاذ عبد المنعم مدبولي، ورجعت تاني للسينما لكن بشكل أقوي وأحسن».

وتابعت ميمي جمال: «دايما كانوا بيختاروني في الأدوار الخفيفة بسبب طريقه لبسي وشكلي، ومكنوش بيعتمدوا عليا في الأدوار الجدة حتي في المسرح، ودايما كانوا بيحصروني في أدوار الكوميديا».

وعن علاقتها بالزعيم عادل إمام قالت ميمي جال« اشتغلت مع عادل إمام حاجات كتير وهو وكان لسه في بدايته زي فيلم لصوص لكن ظرفاء، والبعض يذهب للمأذون مرتين وخلي بالك من جيرانك، ومشغلتش معه مسرح خالص».

وقالت ميمي جمال عن مسرحية مدرسه المشاغبين ورفض زوجها الفنان حسن مصطفي لقيامها بدور الفنانة سهير البابلي وقالت: « جت فترة سهير تعبت واضطرت انها تعمل عملية في باريس، والمؤلف سمير خفاجي قال هنوقف تصوير 15 يوم أو نجيب حد تاني وقال لحسن نجيب ميمي تعمل الدور ولكن حسن رفض فالمهم سمير أثر عليه وفعلا عملت الدور».

أما عن أعمالها مع زوجها الراحل حسن مصطفى:« اشتغلت مع حسن في حاجات كتير زي مقالب محروس وخد الفلوس واجري، وعمل دور ضيف شرف معايا ومع الفنان سمير غانم في مسرحية دوري مي فاصوليا».

وتحدثت عن الفنان الكبير الراحل سمير غانم: « سمير مكنش ليه دعوه بحد كان بيحب بيقعد في اوضته ويسمع أغاني شعبي مكش ليه دعوه بحد، وهو علي المسرح حاجه جميلة جدا، واللي يشتغل مع سمير لازم يكون زايه علي نفس المستوي».

7-وكشفت عن علاقتها مع زوجها الفنان الراحل حسن مصطفي: «أنا وحسن عيشنا مع بعض أيام حلوه وأيام وحشة، واحنا كنا متفقين أن الجوازه دي لازم نتجح بكل مشاكلها، وخصوصا أني خلفت بنات وانا حطيت في دماغي أن هو اللي يوصلهم لازوجهم، وهو كان شخصية غيور جدا، مع انه ميبينش ده».

حسن مصطفي وميمي جمال

وتابعت: «أنا قعدت سنيتن بعيدة عنه، وبعدين قلت لا هو ده الراجل اللي اختارته

8- وكشفت شرط الذي وضعه عادل امام لحضور حفل زفاف ابنتي:« عادل أمام قالي انا جاي بس مش عايز مصورين او كاميرات، قالتله انت هتيجي هتقعد علي ترابيزتك ومحدش هيضايق».

اقرأ أيضا:

«تركت جوزي بسبب نمر».. أبرز تصريحات فيفي عبده في برنامج كتاب الشهرة «فيديو»

إيجار قديم.. ميمي جمال: «حرام يبقى 6 جنيه»

بعد تصريحاته عن القُبُلات.. ميمي جمال تهاجم هادي الباجوري: «لو شايف رجولتك تسمح برضو متقُلش»

رابط المصدر

الوسوم

مقالات ذات صلة

زر الذهاب إلى الأعلى
إغلاق
إغلاق