اخبار الفن

الفن شلالية ودي قراراتي لو كنت نقيب الممثلين.. أبرز تصريحات باسم سمرة في حبر سري

كشف الفنان باسم سمرة العديد من الأسرار عن حياته، بالإضافة لرأيه في بعض المواضيع المطروحة على الساحة الفنية، وذلك خلال حواره ببرنامج حبر سري. 

تحيا مصر يرصد لكم تصريحات باسم سمرة 

أبرز تصريحات باسم سمرة في حبر سري 

– الفيلم عامل زي القماشة وبيبقى راقي لما بيتكلف إنتاج بملايين

– أحمد وفيق ومحسن منصور فنانين رائعين ويستحقوا اكتر من مكانهم بكتير

– الفن شلالية ولو حد عنده شلة بيعمل فيلم رائع

– فيلم جمهورة إمبابة اتعمل ببادجت قليل أوي “تلاتة تعريفة”

– عايز اشتغل واكل عيش والجدعنة مودياني في داهية

– الفنانين اللي افضل مني هما اللي لسه لم يتم اكتشافهم

– احيانًا بشتغل عشان المساعدين بتوعي

– تصريحاتي بتبقى في المطلق ومعنديش حد بوجههله كلام

قرارات باسم سمرة إذا تولى منصب نقيب الممثلين 

١- هركز مع الناس اللي بتكبر من الفنانين وميبقاش ليها عائل، من معاشات وسكن وصحة وتأمين.

٢- هعمل من خلال النقابة كشافين يكتشفوا المواهب من محافظات مصر.

٣- لو في ممثل مش موهوب هوقفه عن العمل.

باسم سمرة عن فيلم أحاسيس 

وكان قد عبر باسم سمرة في الحلقة ذاتها عن رضائه بدوره في الفيلم الجرئ أحاسيس، وقال باسم سمرة: مندمتش عليه، وانا ممثل بعمل شخصيات مختلفة وكنت مؤثر، واحمد عزمي هو اللي كان بطل الفيلم ومراته ساعتها قرت الورق وكانت بتغير عليك ومرضيتش، وعملته عشان انا مقتنع اني بعمل فن، وأنا مسيطر مع مراتي.

وقد أوضح باسم سمرة تفاصيل خلافه مع الفنان أحمد السقا ومخرج فيلم الجزيرة، حيث قال باسم سمرة: “العمل كله بيبقى تحت اشراف المخرج، ومتسرعتش وهما عملولي أزمة ومشاهد محدش كان يقدر يعملها، وكنت بخاطر حياتي ونفسي وفي النهاية اتشال، ومازلت نفسيتي تعبانة لحد دلوقتي وكان في استهانة”.

وتابع: “ويشكر إنه قال مليش دعوة وأنا بحبه، والمهم إن هو والمخرج يبقوا فهموا عشان شغلي اتشال وأنا في يوم العرض”.

باسم سمرة: مقبلش اطلع بنتي رحلة لوحدها 

وعن حياته الشخصية، قال: “مقبلش اطلع بنتي رحلة لوحدها.. وأبويا وأمي اكتر ناس بحبهم في حياتي، وحياتي الخاصة مبحبش ادخلهم في الميديا، ودول أحسن ناس، وعملت معاهم فيلم صبيان وبنات.. فاكر من ابويا الكرم والخير وسواقة النقل التقيل، وكان دايما يقولي الله يصلح حالك”.

رابط المصدر

الوسوم

مقالات ذات صلة

زر الذهاب إلى الأعلى
إغلاق
إغلاق